الفت نہ کروں گا اب کسی کی

الفت نہ کروں گا اب کسی کی

دشمن ہوا جس سے دوستی کی

حالت کہوں اپنی بے خودی کی

دل دے کے سنو جو میرے جی کی

اول اول بھلائیاں کیں

آخر آخر بہت بری کی

مصروف ہے سینہ کوبی میں دل

آتی ہے صدا دھڑا دھڑی کی

الفت پہ تیری خاتمہ ہے

اب لے لے قسم تو عاشقی کی

کرتے رہے اختراع آپھی

تقلید نہ کی کبھی کسی کی

رونے پہ میرے ہنستے ہیں آپ

ہنس لیجئے بات ہے ہنسی کی

کیوں کر نہ فریفتہ ہو انساں

تن حور کا شکل ہے پری کی

شیریں دہنو نہیں ہے زیبا

تم باتیں کرو نہ پھیکی پھیکی

تقصیر یہ ہے تو واقعی کی

بے یار ہے دل کباب ساقی

تکلیف نہ کر تو مے کشی کی

آنکھیں لڑیں تجھ سے میں ہوا قتل

ان ترکوں نے جنگ زرگری کی

کرنے دو بدی جو کرتے ہیں غیر

سنتا نہیں رندؔ وہ کسی کی

ulfat na karunga ab kisi ki

dushman hua jis se dosti ki

halat kahun apni be khudi ki

dil de ke suno jo mere ji ki

awwal awwal bhalaiyan kin

akhir akhir bahut buri ki

masruf hai sina kobi mein dil

ati hai sada dhara dhari ki

ulfat pe teri khatima hai

ab le le qasam to ashiqi ki

karte rahe ikhtira aphi

taqlid na ki kabhi kisi ki

rone pe mere hanste hain ap

hans lijiye bat hai hansi ki

kyun kar na farefta ho insan

tan hur ka shakl hai pari ki

shirin dahano nahin hai zeba

tum baten karo na phiki phiki

taqsir ye hai to waqai ki

be yar hai dil kabab saqi

taklif na kar to mai kashi ki

ankhen laren tujh se main hua qatl

in tarkon ne jang-e-zargari ki

karne do badi jo karte hain ghair

sunta nahin rind wo kisi ki