ہماری چاہ صاحب جانتے ہیں

ہماری چاہ صاحب جانتے ہیں

کہوں کیا آہ صاحب جانتے ہیں

جلانا عاشقوں کا جان اے جاں

قیامت واہ صاحب جانتے ہیں

بھلا دینے کی زلفوں میں دلوں کو

نرالی راہ صاحب جانتے ہیں

تمہاری مست آنکھوں سے ہے بے خود

جسے آگاہ صاحب جانتے ہیں

تمہارے مکھڑے کی ذرہ جھلک ہے

کہ جس کو ماہ صاحب جانتے ہیں

ملو ہم سے وگرنہ پھر کسی روز

کبھی ناگاہ صاحب جانتے ہیں

محبؔ بے طرح کچھ تم سے کہے گا

وہی تیر آہ صاحب جانتے ہیں

hamari chah sahab jante hain

kahun kya ah sahab jante hain

jalana ashiqon ka jan ai jan

qayamat wah sahab jante hain

bhala dene ki zulfon mein dilon ko

nirali rah sahab jante hain

tumhari mast ankhon se hai be khud

jise agah sahab jante hain

tumhare mukhre ki zarra jhalak hai

ke jis ko mah sahab jante hain

milo ham se wagarna phir kisi roz

kabhi nagah sahab jante hain

muhib be tarah kuchh tum se kahega

wahi tir ah sahab jante hain