ہمدمو کیا مجھ کو تم ان سے ملا سکتے نہیں

ہمدمو کیا مجھ کو تم ان سے ملا سکتے نہیں

میں تو جا سکتا ہوں واں گر یاں وہ آ سکتے نہیں

شرم ہے ان کو بہت ہر دم چمٹنے سے مرے

وہ تڑپتے ہیں ولیکن غل مچا سکتے نہیں

ہاتھ میں ہے ہاتھ اور کوئی نہیں ہے آس پاس

وہ تو ہیں قابو میں پر ہم جی چلا سکتے نہیں

چودھویں ہے رات اور چھٹکی ہوئی ہے چاندنی

ہم کمند اب ان کے کوٹھے پر لگا سکتے نہیں

کیوں میاں رنگیںؔ بھلا اب اس زمیں میں سوچ سے

کیا غزل تم حسب حال اپنی سنا سکتے نہیں

بس میں ہیں وہ غیر کے ہم کو بلا سکتے نہیں

اور ہم اس جا کسی صورت سے جا سکتے نہیں

ہم کو ان سے ان کو ہم سے جتنی الفت ہے اسے

وہ گھٹا سکتے ہیں لیکن ہم گھٹا سکتے نہیں

غیر سے ہم کو دلاتے ہیں وہ لاکھوں گالیاں

پچھلی باتیں یاد ہم ان کو دلا سکتے نہیں

بت بنے ہیں یوں تو ہم باتیں بناتے ہیں ہزار

بات لیکن وصل کی اصلاً بتا سکتے نہیں

hamdamo kya mujh ko tum un se mila sakte nahin

main to ja sakta hun wan gar yan wo a sakte nahin

sharm hai un ko bahut har dam chimtne se mire

wo tarapte hain walekin ghul macha sakte nahin

hath mein hai hath aur koi nahin hai as pas

wo to hain qabu mein par ham ji chala sakte nahin

chaudhwin hai rat aur chhitki hui hai chandni

ham kamand ab un ke kothe par laga sakte nahin

kyun miyan rangin bhala ab is zamin mein soch se

kya ghazal tum hasb-e-hal apni suna sakte nahin

bas mein hain wo ghair ke ham ko bala sakte nahin

aur ham is ja kisi surat se ja sakte nahin

ham ko un se un ko ham se jitni ulfat hai use

wo ghata sakte hain lekin ham ghata sakte nahin

ghair se ham ko dilate hain wo lakhon galiyan

pichhli baten yad ham un ko dila sakte nahin

but bane hain yun to ham baten banate hain hazar

bat lekin wasl ki aslan bata sakte nahin