ہمارے سانولے کوں دیکھ کر جی میں جلی جامن

ہمارے سانولے کوں دیکھ کر جی میں جلی جامن

لگا پھیکا سواد اس کا نہیں لگتی بھلی جامن

سراپا آج نمکینی و نرمی و گدازی سوں

ہوا یہ سانولا گویا نمک میں کی گلی جامن

لگے ہے ترش ظاہر میں پے ہے یہ سانولا میٹھا

مزے داری میں ہے گویا یہ مصری کی ڈلی جامن

تمہارے رنگ کی تمثیل اس کوں دوں تو کھل جاوے

خوشی سیں سانوری ہو کر کے کوئل کی کلی جامن

کیا رم سانورے نیں آبروؔ کوں دیکھ کر پانی

لگا برسات کا موسم دیکھو یارو چلی جامن

hamare sanwale kun dekh kar ji mein jali jaman

laga phika sawad us ka nahin lagti bhali jaman

sarapa aj namakini-o-narmi-o-gudazi sun

hawa ye sanwala goya namak mein ki gali jaman

lage hai tursh zahir mein pe hai ye sanwala mitha

maze dari mein hai goya ye misri ki dali jaman

tumhare rang ki tamsil is kun dun to khul jawe

khushi sin sanwari ho kar ke koyal ki kali jaman

kya ram saniware nain abru kun dekh kar pani

laga barsat ka mausam dekho yaro chali jaman