ہجر میں جب خیال یار آیا

ہجر میں جب خیال یار آیا

لب پہ نالہ ہزار بار آیا

پھر صفائی کی کون سی صورت

آپ کے دل میں جب غبار آیا

کیجئے ذبح کھینچیے خنجر

لیجئے یہ گناہ گار آیا

بولے ٹھکرا کے میرے مرقد کو

اب تجھے کس طرح قرار آیا

تو نے حاصل نسیمؔ کچھ نہ کیا

کچھ بھی تجھ کو نہ میرے یار آیا

hijr mein jab khayal-e-yar aya

lab pe nala hazar bar aya

phir safai ki kaun si surat

ap ke dil mein jab ghubar aya

kijiye zabh khinchiye khanjar

lijiye ye gunah gar aya

bole thukra ke mere marqad ko

ab tujhe kis tarah qarar aya

tu ne hasil nasim kuchh na kiya

kuchh bhi tujh ko na mere yar aya