ہار جیت

میری بن جانے پہ آمادہ ہے وہ جان حیات

جو کسی اور سے پیمان وفا رکھتی ہے

میرے آغوش میں آنے کے لئے راضی ہے

جو کسی اور کو سینے میں چھپا رکھتی ہے

شاعری ہی نہیں کچھ باعث عزت مجھ کو

اور بہت کچھ حسد و رشک کے اسباب میں ہے

مجھ کو حاصل ہے وہ معیار شب و روز کہ جو

اس کے محبوب کے ہاتوں میں نہیں خواب میں ہے

کون جیتے گا یہ بازی مجھے معلوم نہیں

زندگی میں مجھے کیا اور اسے کیا مل جائے

کاش وہ زینت آغوش کسی کی بن جائے

اور مجھے گرمئ پیمان وفا مل جائے

meri ban jane pe amada hai wo jan-e-hayat

jo kisi aur se paiman-e-wafa rakhti hai

mere aghosh mein ane ke liye razi hai

jo kisi aur ko sine mein chhupa rakhti hai

shayari hi nahin kuchh bais-e-izzat mujh ko

aur bahut kuchh hasad-o-rashk ke asbab mein hai

mujh ko hasil hai wo meyar-e-shab-o-roz ke jo

us ke mahbub ke hatun mein nahin khwab mein hai

kaun jitega ye bazi mujhe maalum nahin

zindagi mein mujhe kya aur use kya mil jae

kash wo zinat-e-aghosh kisi ki ban jae

aur mujhe garmi-e-paiman-e-wafa mil jae