ہجوم رنج و الم ہے یہ نیم جاں کے لیے

ہجوم رنج و الم ہے یہ نیم جاں کے لیے

جفا وہ کرتے ہیں عاشق پہ امتحاں کے لیے

بتوں کے جور و جفا پر میں صبر کرتا ہوں

یہاں کے واسطے کچھ ہے تو کچھ وہاں کے لیے

خدا کے واسطے رہنے دے اپنے در پہ اسے

بنا ہے سنگ یہ دل تیرے آستاں کے لیے

ہمارے پہلوئے غمگیں میں حیف یہ دل زار

نزاکتوں سے پلا الفت بتاں کے لیے

ٹپک کے دیدۂ پر نم سے کیوں نہ گر جاتا

بنا لہو مرا دل چشم خونچکاں کے لیے

ہوائے تند خدا کے لیے نہ چھیڑ مجھے

غبار راہ بنا ہوں میں کارواں کے لیے

کیا ہے درد دل زار نے اسے عاجز

لبوں پہ جان حزیں آئی ہے فغاں کے لیے

جمیلہؔ تا در محبوب کس طرح جاؤں

قدم اٹھانا ہے دشوار ناتواں کے لیے

hujum-e-ranj-o-alam hai ye nim jan ke liye

jafa wo karte hain ashiq pe imtihan ke liye

buton ke jaur-o-jafa par main sabr karta hun

yahan ke waste kuchh hai to kuchh wahan ke liye

khuda ke waste rahne de apne dar pe use

bana hai sang ye dil tere astan ke liye

hamare pahlu-e-ghamgin mein haif ye dil-e-zar

nazakaton se pila ulfat-e-butan ke liye

tapak ke dida-e-pur nam se kyun na gir jata

bana lahu mira dil chashm-e-khunchakan ke liye

hawa-e-tund khuda ke liye na chher mujhe

ghubar-e-rah bana hun main karwan ke liye

kya hai dard-e-dil zar ne use ajiz

labon pe jan-e-hazin ai hai fughan ke liye

jamilahu ta dar mahbub kis tarah jaun

qadam uthana hai dushwar natawan ke liye