ہجراں کی کوفت کھینچے بے دم سے ہو چلے ہیں

ہجراں کی کوفت کھینچے بے دم سے ہو چلے ہیں

سر مار مار یعنی اب ہم بھی سو چلے ہیں

جویں رہیں گی جاری گلشن میں ایک مدت

سائے میں ہر شجر کے ہم زور رو چلے ہیں

لبریز اشک آنکھیں ہر بات میں رہا کیں

رو رو کے کام اپنے سب ہم ڈبو چلے ہیں

پچھتائیے نہ کیونکر جی اس طرح سے دے کر

یہ گوہر گرامی ہم مفت کھو چلے ہیں

قطع طریق مشکل ہے عشق کا نہایت

وے میرؔ جانتے ہیں اس راہ جو چلے ہیں

hijran ki koft khinche be dam se ho chale hain

sar mar mar yaani ab ham bhi so chale hain

jawin rahengi jari gulshan mein ek muddat

sae mein har shajar ke ham zor ro chale hain

labrez ashk ankhen har bat mein raha kin

ro ro ke kam apne sab ham dubo chale hain

pachhtaiye na kyunkar ji is tarah se de kar

ye gauhar-e-garami ham muft kho chale hain

qat-e-tariq-e-mushkil hai ishq ka nihayat

we mir jante hain is rah jo chale hain