ہر اک صورت میں تجھ کو جانتے ہیں

ہر اک صورت میں تجھ کو جانتے ہیں

ہم اس بہروپ کو پہچانتے ہیں

ہے قادر تو خدا لیکن بتاں بھی

وہ کر چکتے ہیں جو کچھ ٹھانتے ہیں

تو ناصح مان یا مت مان لیکن

تری باتیں کوئی ہم جانتے ہیں

گئے گوہر کے تاجر جس طرف سے

ہم ان رستوں کی ماٹی چھانتے ہیں

نہ سنبھلا آسماں سے عشق کا بوجھ

ہمیں ہیں جو یہ مگدر بھانتے ہیں

مرید خاندان عشق جو ہے

ہم اپنا پیر اسے گردانتے ہیں

کلی ماریں ہیں دو رکعت پہ زاہد

نہ ڈنڈ پیلیں نہ مگدر بھانتے ہیں

بہت جاگے ہم اس محفل میں قائمؔ

کوئی دم اب تو چادر تانتے ہیں

har ik surat mein tujh ko jante hain

ham is bahrup ko pahchante hain

hai qadir to khuda lekin butan bhi

wo kar chukte hain jo kuchh thante hain

tu naseh man ya mat man lekin

tiri baten koi ham jante hain

gae gauhar ke tajir jis taraf se

ham in raston ki mati chhante hain

na sambhala asman se ishq ka bojh

hamen hain jo ye mugdar bhanate hain

murid-e-khandan-e-ishq jo hai

ham apna pir use gardante hain

kali maren hain do rakat pe zahid

na dand pelen na mugdar bhanate hain

bahut jage ham is mahfil mein qaim

koi dam ab to chadar tante hain