ہاتھوں کو اٹھا جان سے آخر کو رہوں گا

ہاتھوں کو اٹھا جان سے آخر کو رہوں گا

پر دل ہے رفیق اس کو کبھی تجھ کو نہ دوں گا

بے بوسۂ لب کے تو کبھی میں نہ ٹلوں گا

گو گالیاں تو دے گا تو بن جاؤں گا گونگا

گر وصل کی ٹھہرے گی نہ تجھ سے تو مروں گا

پر بار جدائی کی مصیبت نہ سہوں گا

میں غیر کو کب پاس ترے بیٹھنے دوں گا

گر وہ نہیں اٹھنے کا تو لاحول پڑھوں گا

hathon ko utha jan se akhir ko rahunga

par dil hai rafiq us ko kabhi tujh ko na dunga

be bosa-e-lab ke to kabhi main na talunga

go galiyan to dega to ban jaunga gunga

gar wasl ki thahregi na tujh se to marunga

par bar judai ki musibat na sahunga

main ghair ko kab pas tire baithne dunga

gar wo nahin uthne ka to lahaul parhunga