الفت نے تری ہم کو تو رکھا نہ کہیں کا

الفت نے تری ہم کو تو رکھا نہ کہیں کا

دریا کا نہ جنگل کا سما کا نہ زمیں کا

اقلیم معانی میں عمل ہو گیا میرا

دنیا میں بھروسہ تھا کسے تاج و نگیں کا

تقدیر نے کیا قطب فلک مجھ کو بنایا

محتاج مرا پاؤں رہا خانۂ زیں کا

اک بوریے کے تخت پہ اوقات بسر کی

زاہد بھی مقلد رہا سجادہ نشیں کا

اخترؔ قلم فکر کے بھی اشک ہیں جاری

کیا حال لکھوں اپنے دل زار و حزیں کا

ulfat ne tiri ham ko to rakha na kahin ka

dariya ka na jangal ka sama ka na zamin ka

iqlim-e-maani mein amal ho gaya mera

duniya mein bharosa tha kise taj-o-nagin ka

taqdir ne kya qutb falak mujh ko banaya

mohtaj mira paon raha khana-e-zain ka

ik borye ke takht pe auqat basar ki

zahid bhi muqallid raha sajjada nashin ka

akhtar qalam-e-fikr ke bhi ashk hain jari

kya hal likhun apne dil-e-zar-o-hazin ka