گناہ گار

اے سوگوار یاد بھی ہے تجھ کو یا نہیں

وہ رات جب حیات کی زلفیں دراز تھیں

جب روشنی کے نرم کنول تھے بجھے بجھے

جب ساعت ابد کی لویں نیم باز تھیں

جب ساری زندگی کی عبادت گزاریاں

تیری گناہ گار نظر کا جواز تھیں

اک ڈوبتے ہوئے نے کسی کو بچا لیا

اک تیرہ زندگی نے کسی کو نگاہ دی

ہر لمحہ اپنی آگ میں جلنے کے باوجود

ہر لمحہ زمہریر محبت کو راہ دی

ہم نے تو تجھ سے دور کی ہمدردیاں دکھائیں

تو نے کسی سے رسم وفا بھی نباہ دی

ai sogwar yad bhi hai tujh ko ya nahin

wo rat jab hayat ki zulfen daraz thin

jab raushni ke narm kanwal the bujhe bujhe

jab saat-e-abad ki lawen nim baz thin

jab sari zindagi ki ibadat guzariyan

teri gunah gar nazar ka jawaz thin

ik dubte hue ne kisi ko bacha liya

ik tira zindagi ne kisi ko nigah di

har lamha apni ag mein jalne ke bawajud

har lamha zamharir mohabbat ko rah di

ham ne to tujh se dur ki hamdardiyan dikhaen

tu ne kisi se rasm-e-wafa bhi nibah di