گوہر اشک سے لبریز ہے سارا دامن

گوہر اشک سے لبریز ہے سارا دامن

آج کل دامن دولت ہے ہمارا دامن

اے جنوں باد بہاری سے نہیں جنبش میں

کچھ گریبان سے کرتا ہے اشارا دامن

وصل کی رات ہے بگڑو نہ برابر تو رہے

پھٹ گیا میرا گریبان تمہارا دامن

جامہ چین نے نہیں یہ پھول چنے نرگس کے

سیکڑوں آنکھوں سے کرتا ہے نظارا دامن

بہت اے دست جنوں تنگ نظر آتا ہے

باندھ دے دامن صحرا سے ہمارا دامن

خوب پہونچا دیا اے دست جنوں ہاتھوں ہاتھ

مل گیا آج گریبان سے سارا دامن

آمد آمد مرے اشکوں کی مگر سن لی ہے

جھاڑ کر گرد جو صحرا نے سنوارا دامن

gauhar-e-ashk se labrez hai sara daman

aj kal daman-e-daulat hai hamara daman

ai junun bad-e-bahari se nahin jumbish mein

kuchh gareban se karta hai ishara daman

wasl ki rat hai bigro na barabar to rahe

phat gaya mera gareban tumhara daman

jama chain ne nahin ye phul chune nargis ke

saikron ankhon se karta hai nazara daman

bahut ai dast-e-junun tang nazar ata hai

bandh de daman-e-sahra se hamara daman

khub pahuncha diya ai dast-e-junun hathon hath

mil gaya aj gareban se sara daman

amad amad mire ashkon ki magar sun li hai

jhar kar gard jo sahra ne sanwara daman