الفت یہ چھپائیں ہم کسی کی

الفت یہ چھپائیں ہم کسی کی

دل سے بھی کہیں نہ اپنی جی کی

جانے وہ کیا کسی کی جی کی

جس کو الفت نہ ہو کسی کی

خواہش نہ بر آئی اپنی جی کی

ہم نے کس کس کی دوستی کی

اچھی نہیں شرح عاشقی کی

پوچھو نہ اجی کسی کی جی کی

یہ روئے کہ نامہ بہہ کے پہنچا

اشکوں نے ہمارے قاصدی کی

سرخی مگر اس کے لب کی دیکھی

رنگت ہے سفید آرسی کی

عاشق تھے وہ ہم کہ بعد اپنے

مٹی ہی خراب عاشقی کی

اے ابر شب فراق سچ کہہ

روتے کٹتی ہے شب کسی کی

دل زلف رسا تلک تو پہنچا

اتنی بختوں نے رہبری کی

بجلی چمکی تو ابر رویا

یاد آ گئی کیا ہنسی کسی کی

ہم کسی کی گلی کی راہ بھولے

جو خضر نے بھی نہ رہبری کی

دل کو مرے خاک میں ملایا

دلبر نے خوب دلبری کی

سوزش مرے دل کی دیکھ اے ماہ

کر سیر اس برج آتشی کی

وہ طفل نصیری آئے شاید

قسمیں دوں مرتضیٰ علی کی

گردن زدنی تھی شمع سرکش

کیوں اس کی گلی سے ہم سری کی

بس رکھ دیا خط میں برگ سوسن

جب لکھ نہ سکے صفت مسی کی

ٹھکرا کے چلی جبیں کو میرے

قسمت کے لکھے نے یاوری کی

یہ رشک ہے منہ جو یار دیکھے

صورت دیکھوں نہ آرسی کی

بھولا تھا میں راہ کوئے قاتل

تو نے اے موت رہبری کی

اس کے گردن تلک نہ پہنچا

اے دست دراز کوتہی کی

دل کو پالا بغل میں تو نے

گویا دشمن سے دوستی کی

ulfat ye chhupaen ham kisi ki

dil se bhi kahin na apni ji ki

jane wo kiya kisi ki ji ki

jis ko ulfat na ho kisi ki

khwahish na bar ai apni ji ki

ham ne kis kis ki dosti ki

achchhi nahin sharh-e-ashiqi ki

puchho na aji kisi ki ji ki

ye roe ke nama bah ke pahuncha

ashkon ne hamare qasidi ki

surkhi magar us ke lab ki dekhi

rangat hai safed arsi ki

ashiq the wo ham ke baad apne

mitti hi kharab ashiqi ki

ai abr-e-shab firaq sach kah

rote katti hai shab kisi ki

dil zulf-e-rasa talak to pahuncha

itni bakhton ne rahbari ki

bijli chamki to abr roya

yad a gai kya hansi kisi ki

ham kisi ki gali ki rah bhule

jo khizr ne bhi na rahbari ki

dil ko mire khak mein milaya

dilbar ne khub dilbari ki

sozish mire dil ki dekh ai mah

kar sair is burj atishi ki

wo tifl-e-nusairi ae shayad

qasmen dun murtaza ali ki

gardan zadani thi shama sarkash

kyun us ki gali se ham siri ki

bas rakh diya khat mein barg-e-sosan

jab likh na sake sifat missi ki

thukra ke chali jabin ko mere

qismat ke likhe ne yawari ki

ye rashk hai munh jo yar dekhe

surat dekhun na arsi ki

bhula tha main rah-e-ku-e-qatil

tu ne ai maut rahbari ki

us ke gardan talak na pahuncha

ai dast-e-daraz kotahi ki

dil ko pala baghal mein tu ne

goya dushman se dosti ki