گماں نہ کیونکہ کروں تجھ پہ دل چرانے کا

گماں نہ کیونکہ کروں تجھ پہ دل چرانے کا

جھکا کے آنکھ سبب کیا ہے مسکرانے کا

یہ سینہ ہے یہ جگر ہے یہ دل ہے بسم اللہ

اگر خیال ہے تلوار آزمانے کا

کسی کے ہونٹھ کے ملتے ہی ہم تمام ہوئے

مزا ملا نہ ہمیں گالیاں بھی کھانے کا

مجھے یہ درد ہے معلوم حکم بلبل بن

نہ میری خاک پہ کر قصد پھول لانے کا

کیا فریفتہ کہہ کہہ کے حال دل اس کو

اثر فسوں سے نہیں کچھ کم اس فسانے کا

غموں کی گر یہی بالیدگی ہے تو آخر

دل گرفتہ نہیں سینے میں سمانے کا

guman na kyunke karun tujh pe dil churane ka

jhuka ke ankh sabab kya hai muskurane ka

ye sina hai ye jigar hai ye dil hai bism-e-allah

agar khayal hai talwar azmane ka

kisi ke honth ke milte hi ham tamam hue

maza mila na hamen galiyan bhi khane ka

mujhe ye dard hai maalum hukm bulbul ban

na meri khak pe kar qasd phul lane ka

kiya farefta kah kah ke hal-e-dil us ko

asar fusun se nahin kuchh kam is fasane ka

ghamon ki gar yahi balidagi hai to akhir

dil-e-girafta nahin sine mein samane ka