گواہ وصل عدو سر جھکا کے دیکھ نہ لو
Muztar Khairabadi (1865–1927)گواہ وصل عدو سر جھکا کے دیکھ نہ لو
یہ بند بند جدا ہیں قبا کے دیکھ نہ لو
کسی کے عشق میں تکلیف کچھ نہیں ہوتی
کسی سے چار گھڑی دل لگا کے دیکھ نہ لو
دل و جگر کا تڑپنا ہماری بیتابی
جو دیکھنا ہے تو صورت دکھا کے دیکھ نہ لو
ہماری آہ کا کیا دیکھنا جو دیکھو گے
وہی تو بات ہے جھونکے ہوا کے دیکھ نہ لو
اگر محبت مضطرؔ کے تم نہیں قائل
تو ایک کام کرو آزما کے دیکھ نہ لو
gawah wasl-e-adu sar jhuka ke dekh na lo
ye band band juda hain qaba ke dekh na lo
kisi ke ishq mein taklif kuchh nahin hoti
kisi se char ghari dil laga ke dekh na lo
dil-o-jigar ka tarapna hamari betabi
jo dekhna hai to surat dikha ke dekh na lo
hamari ah ka kya dekhna jo dekhoge
wahi to bat hai jhonke hawa ke dekh na lo
agar mohabbat muztar ke tum nahin qail
to ek kam karo azma ke dekh na lo