گلے مجھ کو لگا لو اے مرے دل دار ہولی میں

گلے مجھ کو لگا لو اے مرے دل دار ہولی میں

بجھے دل کی لگی بھی تو اے میرے یار ہولی میں

نہیں یہ ہے گلال سرخ اڑتا ہر جگہ پیارے

یہ عاشق کی ہے امڑی آہ آتش بار ہولی میں

گلابی گال پر کچھ رنگ مجھ کو بھی جمانے دو

منانے دو مجھے بھی جان من تیوہار ہولی میں

رساؔ گر جام مے غیروں کو دیتے ہو تو مجھ کو بھی

نشیلی آنکھ دکھلا کر کرو سرشار ہولی میں

gale mujh ko laga lo ai mire dil dar holi mein

bujhe dil ki lagi bhi to ai mere yar holi mein

nahin ye hai gulal-e-surkh urta har jagah pyare

ye ashiq ki hai amri ah atish bar holi mein

gulabi gal par kuchh rang mujh ko bhi jamane do

manane do mujhe bhi jan-e-man tewhar holi mein

rasa gar jam-e-mai ghairon ko dete ho to mujh ko bhi

nashili ankh dikhla kar karo sarshar holi mein