گو سدھ نہیں اس شوخ ستم گر نے سنبھالی

گو سدھ نہیں اس شوخ ستم گر نے سنبھالی

تس پر بھی کوئی بات ادا سے نہیں خالی

کچھ ہوش نہیں مجھ میں رہا جب سے پلائی

اس نرگس مخمور کی ساقی نے پیالی

شبنم کے عرق میں ہوا خجلت سیتی گل تر

دیکھی جو لب لعل کی اس شوخ کے لالی

وے غیر ہی ہیں جن کی ہر اک بات ہو سنتے

ہم نے تو جو کچھ عرض کی سو سنتے ہی ٹالی

توصیف کوئی کر سکے کیا اے شہ عالمؔ

رتبہ ہے تیرے شعر کا گفتار سے عالی

go sudh nahin us shokh-e-sitam gar ne sambhali

tis par bhi koi bat ada se nahin khali

kuchh hosh nahin mujh mein raha jab se pilai

is nargis-e-makhmur ki saqi ne piyali

shabnam ke araq mein hua khajlat saiti gul-e-tar

dekhi jo lab-e-laal ki us shokh ke lali

we ghair hi hain jin ki har ik bat ho sunte

ham ne to jo kuchh arz ki so sunte hi tali

tausif koi kar sake kya ai shah alam

rutba hai tere sher ka guftar se ali