گوتم بدھ

حسن جب افسردہ پھولوں کی طرح پامال تھا

جب محبت کا غلط دنیا میں استعمال تھا

بے خودی کے نام پر جب دور جام بادہ تھا

جب تجلیٔ حقیقت سے ہر اک دل سادہ تھا

زیست کا اور موت کا ادراک دنیا کو نہ تھا

ظلم کا احساس جب بے باک دنیا کو نہ تھا

بند آنکھیں کر کے اس دنیا کے مکروہات سے

تو نے حاصل کی ضیائے دل، تجلیات سے

برف زاروں کو ترے انفاس نے گرما دیا

تیرے استغنا نے تخت سلطنت ٹھکرا دیا

یاد تیری آج بھی ہندستاں میں تازہ ہے

چین، جاپان اور تبت تک ترا آوازہ ہے

روشنی جس کی نہ ہوگی ماند وہ مشعل ہے تو

سر زمین ہند کا عرفانیٔ اول ہے تو

husn jab afsurda phulon ki tarah pamal tha

jab mohabbat ka ghalat duniya mein istemal tha

be khudi ke nam par jab daur-e-jam-e-bada tha

jab tajalli-e-haqiqat se har ik dil sada tha

zist ka aur maut ka idrak duniya ko na tha

zulm ka ehsas jab be bak duniya ko na tha

band ankhen kar ke is duniya ke makruhat se

tu ne hasil ki ziya-e-dil, tajliyat se

barf zaron ko tire anfas ne garma diya

tere istighna ne takht-e-saltanat thukra diya

yad teri aj bhi hindsitan mein taza hai

chain, japan aur tabbat tak tira awaza hai

raushni jis ki na hogi mand wo mashal hai tu

sar zamin-e-hind ka irfani-e-awwal hai tu