گریباں کو جنوں میں تا بہ دامن چاک ہونا تھا

گریباں کو جنوں میں تا بہ دامن چاک ہونا تھا

جواب جادۂ صحرائے وحشت ناک ہونا تھا

تغافل کے گلے سن کر جھکا لیں تم نے کیوں آنکھیں

مرے شرمندہ کرنے کو ذرا بے باک ہونا تھا

نگاہ گرم کی بجلی سے جلنا تھا مقدر میں

کسی کو آگ ہونا تھا کسی کو خاک ہونا تھا

جو آنکھیں پوچھتیں اس کی تو دل میرا بتا دیتا

یہاں شرما کے جھکنا تھا یہاں بے باک ہونا تھا

تڑپ دل کی دکھانا تھا جلالؔ ان شوخ چشموں کو

وہیں کی بخت نے سستی جہاں چالاک ہونا تھا

gareban ko junun mein ta ba daman chak hona tha

jawab-e-jada-e-sahra-e-wahshat nak hona tha

taghaful ke gale sun kar jhuka len tum ne kyun ankhen

mire sharminda karne ko zara be bak hona tha

nigah-e-garm ki bijli se jalna tha muqaddar mein

kisi ko ag hona tha kisi ko khak hona tha

jo ankhen puchhtin us ki to dil mera bata deta

yahan sharma ke jhukna tha yahan be bak hona tha

tarap dil ki dikhana tha jalal un shokh chashmon ko

wahin ki bakht ne sasti jahan chalak hona tha