گفتگو ہو دبی زبان بہت

گفتگو ہو دبی زبان بہت

ہیں لگائے رقیب کان بہت

کیوں نہ گردش اٹھائے جان بہت

ایک میں اور آسمان بہت

گالیوں کی روش کو کم کیجے

آپ کی چلتی ہے زبان بہت

دل کلیجہ دماغ سینہ و چشم

ان کے رہنے کے ہیں مکان بہت

ماہ سا رخ سخیؔ کو دکھلایا

آج تو تھے وہ مہربان بہت

guftugu ho dabi zaban bahut

hain lagae raqib kan bahut

kyun na gardish uthae jan bahut

ek main aur asman bahut

galiyon ki rawish ko kam kije

ap ki chalti hai zaban bahut

dil kaleja dimagh sina-o-chashm

un ke rahne ke hain makan bahut

mah sa rukh sakhi ko dikhlaya

aj to the wo mehrban bahut