گزر گیا انتظار حد سے یہ وعدۂ ناتمام کب تک

گزر گیا انتظار حد سے یہ وعدۂ ناتمام کب تک

نہ مرنے دے گی مجھے ستم گر تری تمنائے خام کب تک

اجل مرا اتنا کام کر دے کہ کام میرا تمام کر دے

رہے کوئی زندگی کے ہاتھوں جہاں میں رسوائے عام کب تک

وہ آئے یا وعدے پر نہ آئے بلا سے قسمت جو کچھ دکھا دے

مگر ہمیں دیکھنا تو یہ ہے کہ آج ہوتی ہے شام کب تک

یہ بحث و تکرار چھوڑ دے آ یہ زہد کا عہد توڑ دے

رہے گی اے مدعی حرمت شراب دنیا حرام کب تک

guzar gaya intizar had se ye waada-e-natamam kab tak

na marne degi mujhe sitam gar tiri tamanna-e-kham kab tak

ajal mira itna kam kar de ke kam mera tamam kar de

rahe koi zindagi ke hathon jahan mein ruswa-e-am kab tak

wo ae ya waade par na ae bala se qismat jo kuchh dikha de

magar hamen dekhna to ye hai ke aj hoti hai sham kab tak

ye bahs-o-takrar chhor de a ye zohd ka ahd tor de

rahegi ai muddai-e-hurmat sharab duniya haram kab tak