گر عدو تقدیر ہے تدبیر رہنے دیجئے

گر عدو تقدیر ہے تدبیر رہنے دیجئے

دوست کا دل میں ہمارے تیر رہنے دیجئے

ہیں جو عاشق کام مزدوروں کا وہ کرتے نہیں

ذمۂ فرہاد جوئے شیر رہنے دیجئے

لیلیٰ و مجنوں کی اک کاغذ پہ ہوتی ہے شبیہ

روبرو اس کے مری تصویر رہنے دیجئے

ہے جنوں فصلی کرو زنجیر تار اشک سے

طور پر میرے مری تدبیر رہنے دیجئے

سیم و زر بنتا ہے خاک کشتۂ دل سے آپ کے

پاس اپنے جان کر اکسیر رہنے دیجئے

آستیں سے ہاتھ باہر ہو نہ اے جان جہاں

بس میاں اندر ہی یہ شمشیر رہنے دیجئے

تیر بے پیکاں نشانہ توڑتا ہے کب وقارؔ

منہ کی منہ میں آہ بے تاثیر رہنے دیجئے

gar adu taqdir hai tadbir rahne dijiye

dost ka dil mein hamare tir rahne dijiye

hain jo ashiq kam mazduron ka wo karte nahin

zimma-e-farhad ju-e-sher rahne dijiye

laila-o-majnun ki ik kaghaz pe hoti hai shabih

rubaru us ke miri taswir rahne dijiye

hai junun fasli karo zanjir tar-e-ashk se

tur par mere miri tadbir rahne dijiye

sim-o-zar banta hai khak kushta-e-dil se ap ke

pas apne jan kar iksir rahne dijiye

astin se hath bahar ho na ai jan-e-jahan

bas miyan andar hi ye shamshir rahne dijiye

tir-e-be paikan nishana torta hai kab waqar

munh ki munh mein ah be tasir rahne dijiye