گاہ بسمل ہوں گہے تکبیر ہوں

گاہ بسمل ہوں گہے تکبیر ہوں

اپنی میں تدبیر کا تقدیر ہوں

میرے دم سے ہے جنوں کی آبرو

پاسبان خانۂ زنجیر ہوں

بے رخی پر ہے کماں تقدیر کی

گو سراپا ناوک تدبیر ہوں

دشمنوں کے ہوں ضرر کا سر نوشت

دوستوں کے نفع کی تقریر ہوں

ہے خرابی رخنہ انداز بنا

قصر بربادی کا میں تعمیر ہوں

قد تواضع میں ہے خم مثل کماں

راست کاری میں مثال تیر ہوں

میں ہوں اک نقاش شاعر اے وقارؔ

کھینچتا اشعار کی تصویر ہوں

gah-e-bismil hun gahe takbir hun

apni mein tadbir ka taqdir hun

mere dam se hai junun ki abru

pasban-e-khana-e-zanjir hun

be rukhi par hai kaman taqdir ki

go sarapa nawak-e-tadbir hun

dushmanon ke hun zarar ka sar nawisht

doston ke nafa ki taqrir hun

hai kharabi rakhna andaz bana

qasr-e-barbadi ka main taamir hun

qad tawazo mein hai kham misl-e-kaman

rast kari mein misal-e-tir hun

main hun ik naqqash-e-shayar ai waqar

khinchta ashar ki taswir hun