گر جنوں کر مجھے پابند سلاسل جاتا

گر جنوں کر مجھے پابند سلاسل جاتا

پاؤں رکھنے کا ٹھکانا تو کہیں مل جاتا

مر بھی جاتا تو نہ میرا مرض سل جاتا

غم اصنام کی چھاتی پہ دھرے سل جاتا

خط عارض جو ترشنے سے مٹے ہے یہ محال

چھیلنے سے نہیں قسمت کا لکھا چھل جاتا

چھوٹتا عید کے دن بھی نہ گرفتاروں کو

صورت طوق گلو گیر گلے مل جاتا

جب چمکتی ہے تری تیغ تبسم اے گل

دہن زخم ہے غنچے کی طرح کھل جاتا

دل میں ہوتا نہ مرے دخل بلاے کاکل

سایہ رہتا نہ کبھی گریہ مکاں کل جاتا

رعشہ اندام ہوں یہ خوف خدا سے اے شادؔ

کوئی مجرم ہو کلیجہ ہے مرا ہل جاتا

gar junun kar mujhe paband-e-salasil jata

paon rakhne ka thikana to kahin mil jata

mar bhi jata to na mera maraz-e-sil jata

gham-e-asnam ki chhati pe dhare sil jata

khat-e-ariz jo tarashne se mite hai ye muhal

chhilne se nahin qismat ka likha chhal jata

chhutta eid ke din bhi na giraftaron ko

surat-e-tauq-e-galo gir gale mil jata

jab chamakti hai tiri tegh-e-tabassum ai gul

dahan-e-zakhm hai ghunche ki tarah khul jata

dil mein hota na mire dakhl balai kakul

saya rahta na kabhi girya makan kal jata

raasha andam hun ye khauf-e-khuda se ai shad

koi mujrim ho kaleja hai mira hal jata