افسوس گزر گئی جوانی

افسوس گزر گئی جوانی

وہ لمحۂ کیف و شادمانی

کیا آ گئی نیند اہل محفل

کہنی تھی ہمیں بھی اک کہانی

میں حسن وفا کی زندگی تھا

تم نے مری قدر ہی نہ جانی

اب تک ایمن کی وادیوں سے

آتی ہے صدائے لن ترانی

سیمابؔ کرو اب اللہ اللہ

تا چند یہ ماتم جوانی

afsos guzar gai jawani

wo lamha-e-kaif-o-shadmani

kya a gai nind ahl-e-mahfil

kahni thi hamen bhi ik kahani

main husn-e-wafa ki zindagi tha

tum ne miri qadr hi na jani

ab tak eman ki wadiyon se

ati hai sada-e-lan tarani

simab karo ab allah allah

ta chand ye matam-e-jawani