گر پڑے دانت ہوئے موئے سر اے یار سفید

گر پڑے دانت ہوئے موئے سر اے یار سفید

کیوں نہ ہو خوف اجل سے یہ سیہ کار سفید

دو قدم فرط نزاکت سے نہیں چل سکتا

رنگ ہو جاتا ہے اس کا دم رفتار سفید

اس مسیحا کی جو آنکھیں ہوئیں گلزار میں سرخ

ہو گئی خوف سے بس نرگس بیمار سفید

گل نسریں کو نہیں جوش چمن میں بلبل

ہے نزاکت کے سبب چہرۂ گلزار سفید

گھر مرے شب کو جو وہ رشک قمر آ نکلا

ہو گئے پرتو رخ سے در و دیوار سفید

لب و دنداں کے تصور میں جو رویا میں کبھی

اشک دو چار بہے سرخ تو دو چار سفید

ہوئی سرسبز جو صحبت میں امانتؔ کی غزل

رنگ دشمن کا ہوا رشک سے اک بار سفید

gir pare dant hue mu-e-sar ai yar safed

kyun na ho khauf-e-ajal se ye siyah kar safed

do qadam fart-e-nazakat se nahin chal sakta

rang ho jata hai us ka dam-e-raftar safed

is masiha ki jo ankhen huin gulzar mein surkh

ho gai khauf se bas nargis-e-bimar safed

gul-e-nasrain ko nahin josh-e-chaman mein bulbul

hai nazakat ke sabab chehra-e-gulzar-e-safed

ghar mire shab ko jo wo rashk-e-qamar a nikla

ho gae partau rukh se dar-o-diwar safed

lab-o-dandan ke tasawwur mein jo roya mein kabhi

ashk do char bahe surkh to do char safed

hui sarsabz jo sohbat mein amanat ki ghazal

rang dushman ka hua rashk se ik bar safed