گر عشق سے واقف مرے محبوب نہ ہوتا

گر عشق سے واقف مرے محبوب نہ ہوتا

ہوتا نہ میں مہجور وہ محجوب نہ ہوتا

آفت طلب اپنے جو دل و دیدہ نہ ہوتے

طالب میں ترا تو مرا مطلوب نہ ہوتا

میری سی طرح عشق سے ہوتا کبھی بیتاب

اعجاز نما صبر کا ایوب نہ ہوتا

نامے کا مرے یہ تھا جواب اے مہ نو خط

یہ قاعدۂ قاصد و مکتوب نہ ہوتا

ترغیب وفا کرنا تجھے مجھ پہ روا تھا

گر شیوہ جفا کا ترا مرغوب نہ ہوتا

حسرتؔ نہ اگر اس کا قد و زلف بناتے

دنیا میں کہیں فتنہ و آشوب نہ ہوتا

gar ishq se waqif mire mahbub na hota

hota na main mahjur wo mahjub na hota

afat talab apne jo dil-o-dida na hote

talib mein tira to mira matlub na hota

meri si tarah ishq se hota kabhi betab

ejaz numa sabr ka ayyub na hota

name ka mire ye tha jawab ai mah-e-nau khat

ye qaida-e-qasid-o-maktub na hota

targhib-e-wafa karna tujhe mujh pe rawa tha

gar shewa jafa ka tira marghub na hota

hasrat na agar us ka qad-o-zulf banate

duniya mein kahin fitna-o-ashob na hota