گر میرے لہو رونے کا باران بنے گا

گر میرے لہو رونے کا باران بنے گا

کوچہ ترا رشک چمنستان بنے گا

گر اس قد موزوں کا تمنا میں اثر ہے

برجستہ مری باتوں کا دیوان بنے گا

اس زلف کی گر لیل برات آوے مرے ہات

دل کے مرے داغوں کا چراغان بنے گا

عزلتؔ تو کر اس زلف پریشاں سے یہ دل جمع

زنار کا شیرازۂ قرآن بنے گا

gar mere lahu rone ka baran banega

kucha tira rashk-e-chamanistan banega

gar is qad-e-mauzun ka tamanna mein asar hai

barjasta miri baton ka diwan banega

is zulf ki gar lail barat awe mire hat

dil ke mire daghon ka charaghan banega

uzlat to kar is zulf-e-pareshan se ye dil jama

zunnar ka shiraza-e-quran banega