چور دروازہ یاں کے ہم بھی ہیں

چور دروازہ یاں کے ہم بھی ہیں

ان کو روزن سے جھانکے ہم بھی ہیں

جو عدم کو وجود سے ہیں گئے

گرد اس کارواں کے ہم بھی ہیں

فاش پردہ کرو نہ کشتوں کا

نزع میں منہ کو ڈھانکے ہم بھی ہیں

عشق چھوٹا بنا چکا ورنہ

اک بڑے خانداں کے ہم بھی ہیں

ترچھی نظروں کو سیدھا رکھیں آپ

ورنہ اک ٹیڑھے بانکے ہم بھی ہیں

ہے زمیں کا ستایا قیس اگر

زخم چیں آسماں کے ہم بھی ہیں

نقش بیٹھا اٹھے گا کس سے وقارؔ

سنگ بوس آستاں کے ہم بھی ہیں

chur darwaza yan ke ham bhi hain

un ko rauzan se jhanke ham bhi hain

jo adam ko wajud se hain gae

gard is karwan ke ham bhi hain

fash parda karo na kishton ka

nazaa mein munh ko dhanke ham bhi hain

ishq chhota bana chuka warna

ik bare khandan ke ham bhi hain

tirchhi nazron ko sidha rakhen ap

warna ik terhe banke ham bhi hain

hai zamin ka sataya qais agar

zakhm chin asman ke ham bhi hain

naqsh baitha uthega kis se waqar

sang bos astan ke ham bhi hain