چھریاں چلیں شب دل و جگر پر

چھریاں چلیں شب دل و جگر پر

لعنت ہے اس آہ بے اثر پر

بالوں نے ترے بلا دکھا دی

جب کھل کے وہ آ رہی کمر پر

نامے کو مرے چھپا رکھے گا

تھا یہ تو گماں نہ نامہ بر پر

پھرتے ہیں جھروکوں کے تلے شاہ

اس کو میں امید یک نظر پر

کیا جاگا ہے یہ بھی ہجر کی شب

زردی سی ہے کیوں رخ قمر پر

پھر غیرت عشق نے بٹھائے

درباں شدید اس کے در پر

رہتی ہیں بہ وقت گریہ اکثر

دو انگلیاں اپنی چشم تر پر

ہے عشق سخن کا مصحفیؔ کو

مائل نہیں اتنا سیم و زر پر

chhuriyan chalen shab dil-o-jigar par

laanat hai is ah be asar par

balon ne tire bala dikha di

jab khul ke wo a rahi kamar par

name ko mire chhupa rakhega

tha ye to guman na nama bar par

phirte hain jharokon ke tale shah

us ko main umid yak nazar par

kya jaga hai ye bhi hijr ki shab

zardi si hai kyun rukh qamar par

phir ghairat-e-ishq ne bithae

darban shadid us ke dar par

rahti hain ba waqt-e-girya aksar

do ungliyan apni chashm-e-tar par

hai ishq sukhan ka mushafi ko

mail nahin itna sim-o-zar par