چوری کہیں کھلے نہ نسیم بہار کی

چوری کہیں کھلے نہ نسیم بہار کی

خوش بو اڑا کے لائی ہے گیسوئے یار کی

اللہ رکھے اس کا سلامت غرور حسن

آنکھوں کو جس نے دی ہے سزا انتظار کی

گلشن میں دیکھ کر مرے مست شباب کو

شرمائی جاری ہے جوانی بہار کی

اے میرے دل کے چین مرے دل کی روشنی

آ اور صبح کر دے شب انتظار کی

جرأت تو دیکھئے گا نسیم بہار کی

یہ بھی بلائیں لینے لگی زلف یار کی

اے حشرؔ دیکھنا تو یہ ہے چودھویں کا چاند

یا آسماں کے ہاتھ میں تصویر یار کی

chori kahin khule na nasim-e-bahar ki

khush bu ura ke lai hai gesu-e-yar ki

allah rakhe us ka salamat ghurur-e-husn

ankhon ko jis ne di hai saza intizar ki

gulshan mein dekh kar mire mast-e-shabab ko

sharmai jari hai jawani bahar ki

ai mere dil ke chain mire dil ki raushni

a aur subh kar de shab-e-intizar ki

jurat to dekhiyega nasim-e-bahar ki

ye bhi balaen lene lagi zulf-e-yar ki

ai hashr dekhna to ye hai chaudhwin ka chand

ya asman ke hath mein taswir-e-yar ki