کر سکے کیا عقل میرے غم کے جانے کا علاج

کر سکے کیا عقل میرے غم کے جانے کا علاج

کام کب آتا ہے دیوانوں کو سیانے کا علاج

رنگ گل کی آگ پر دامن نہ مار اے باد صبح

کیا کریں گی بلبلیں پھر آشیانے کا علاج

حق کو کب پہنچے نہ باندھے جب تک ان زلفوں سے دل

کیوں کہ ہو زنجیر بن ایسے دیوانے کا علاج

گر طہارت چاہتا ہے تو خدا کے واسطے

کاٹ سر لوہو سے اپنے کر نہانے کا علاج

شیشۂ دل کے تئیں اپنے سنبھالے رکھ یقیںؔ

پھر کرے گا کون اس کے ٹوٹ جانے کا علاج

kar sake kya aql mere gham ke jane ka ilaj

kam kab ata hai diwanon ko siyane ka ilaj

rang-e-gul ki ag par daman na mar ai bad-e-subh

kya karengi bulbulen phir ashiyane ka ilaj

haq ko kab pahunche na bandhe jab tak in zulfon se dil

kyun ke ho zanjir ban aise diwane ka ilaj

gar taharat chahta hai to khuda ke waste

kat sar lohu se apne kar nahane ka ilaj

shisha-e-dil ke tain apne sambhale rakh yaqin

phir karega kaun us ke tut jane ka ilaj