کر امتحاں ٹک ہو کے تو خونخوار یک طرف

کر امتحاں ٹک ہو کے تو خونخوار یک طرف

میں آج یک طرف ہوں ترے یار یک طرف

انصاف ہے کہ غیر سے صحبت رکھے تو گرم

بیٹھا رہوں میں مثل گنہ گار یک طرف

سیکھے ہو کس سے سچ کہو پیارے یہ چال ڈھال

تم یک طرف چلو ہو تو تلوار یک طرف

ناز و کرشمہ عشوہ و انداز اور ادا

میں یک طرف ہوں اتنے ستم گار یک طرف

کس بات پر تری میں کروں اعتبار ہائے

اقرار یک طرف ہے تو انکار یک طرف

دیکھیں پرووے کون بھلا سلک لخت دل

میں اک طرف ہوں ابر گہربار یک طرف

قائمؔ ہر ایک کوچہ میں ہے طرفہ تعزیہ

یوسف ترے کی گرمئ بازار یک طرف

دلال ایک سمت کو منہ سے ملیں ہیں خاک

سر پیٹتے پھریں ہیں خریدار یک طرف

kar imtihan tuk ho ke to khunkhwar yak taraf

main aj yak taraf hun tire yar yak taraf

insaf hai ke ghair se sohbat rakhe to garm

baitha rahon main misl-e-gunah gar yak taraf

sikhe ho kis se sach kaho pyare ye chal dhal

tum yak taraf chalo ho to talwar yak taraf

naz-o-karishma ishwa-o-andaz aur ada

main yak taraf hun itne sitam gar yak taraf

kis bat par tiri mein karun etibar hae

iqrar-e-yak taraf hai to inkar yak taraf

dekhen pirowe kaun bhala silk lakht-e-dil

main ik taraf hun abr-e-guharbar yak taraf

qaim har ek kucha mein hai turfa taaziya

yusuf tire ki garmi-e-bazar yak taraf

dallal ek samt ko munh se milen hain khak

sar pitte phiren hain kharidar yak taraf