کر رہے ہیں مجھ سے تجھ بن دیدۂ نمناک جنگ

کر رہے ہیں مجھ سے تجھ بن دیدۂ نمناک جنگ

داغ دل جوں شمع کرتے ہیں جدا بے باک جنگ

عشق پر غالب رہا مجنوں وہ تنکے سا نحیف

یہ وہ جاگہ ہے کہ شعلے سے کرے خاشاک جنگ

نئیں دماغ ہجر تیرا شمع کے شعلے کی طرح

کھا گئی ہے مجھ کو گر کر مجھ سے اپنی ناک جنگ

میں نہیں شاکی فلک کا ہجر کے ایام میں

مجھ سے جوں صبح اپنی ہی کرتی ہے جیب چاک جنگ

بادشاہ عشق نے مجھ کو دیئے ہیں یہ خطاب

آفت الملک اور فناء الدولہ عزلتؔ خاک جنگ

kar rahe hain mujh se tujh bin dida-e-namnak jang

dagh-e-dil jun shama karte hain juda be bak jang

ishq par ghalib raha majnun wo tinke sa nahif

ye wo jagah hai ke shole se kare khashak-e-jang

nain dimagh-e-hijr tera shama ke shole ki tarah

kha gai hai mujh ko gir kar mujh se apni nak jang

main nahin shaki falak ka hijr ke ayyam mein

mujh se jun subh apni hi karti hai jeb-e-chak jang

badshah-e-ishq ne mujh ko diye hain ye khitab

afat almalik aur fana alddaula uzlat khak jang