کر کے آزاد ہر اک شہپر بلبل کترا

کر کے آزاد ہر اک شہپر بلبل کترا

آج صیاد نے ایک اور نیا گل کترا

جیب کتروں میں ہے مشہور صبا بادی چور

صبح غنچے کا جو کیسہ بتأمل کترا

دیکھ ٹک اپنے گریبان میں منہ ڈال کے شیخ

حرص کے ہاتھ سے دامان توکل کترا

پنجۂ مہر بنا شانۂ مشاطۂ صبح

مہ جبیں تو نے جوں ہی رشتۂ کاکل کترا

لیں گے مرغان چمن خاک گلستاں کا سبق

باغباں جب کہ خزاں نے ورق گل کترا

کس قدر تیز ہے مقراض سخن تیری نصیرؔ

گوش ہوش و خرد طالب آمل کترا

kar ke azad har ik shahpar-e-bulbul katra

aj sayyad ne ek aur naya gul katra

jeb katron mein hai mashhur-e-saba badi chur

subh ghunche ka jo kisa batamal katra

dekh tuk apne gareban mein munh dal ke shaikh

hirs ke hath se daman-e-tawakkul katra

panja-e-mehr bana shana-e-mashshata-e-subh

mah jabin tu ne jun hi rishta-e-kakul katra

lenge murghan-e-chaman khak gulistan ka sabaq

baghban jab ke khizan ne waraq-e-gul katra

kis qadar tez hai miqraz sukhan teri nasir

gosh-e-hosh-o-khirad talib amal katra