کام اتنا میرے پیارے چرخ کہن سے نکلے

کام اتنا میرے پیارے چرخ کہن سے نکلے

تم سے نہ ہوں جدا میں جب جان تن سے نکلے

تم حالت نزع میں بھی پاس میرے رہنا

تا کلمۂ محمد میرے دہن سے نکلے

یا رب نہ تا قیامت محتاج ہوں کسی کا

جو ہو مری تمنا وہ پنج تن سے نکلے

وحشت نہ قبر میں ہو تم سامنے ہی رہنا

دست جنوں نہ میرا باہر کفن سے نکلے

ہے لطف زندگی کا بعد از فنا اسی میں

نام خدا جو اپنے سب تن بدن سے نکلے

روزہ نماز تسبیح پہنچائیں گے نہ واں تک

ہوگا وصال اسی کو جو ما و من سے نکلے

اپنی خبر نہ باقی رہ جائے گی کسی کو

پردے سے گر کہیں وہ اک بانکپن سے نکلے

یاد قد صنم میں میں دوں مثال اس وقت

جب کام کوئی میرا سرو چمن سے نکلے

مرداںؔ جو کوئی ڈوبے دریائے عشق میں وہ

چھوٹے خودی سے اپنے حب وطن سے نکلے

kam itna mere pyare charkh-e-kuhan se nikle

tum se na hun juda mein jab jan tan se nikle

tum halat-e-nazaa mein bhi pas mere rahna

ta kalima-e-mohammad mere dahan se nikle

ya rab na ta qayamat mohtaj hun kisi ka

jo ho miri tamanna wo panj tan se nikle

wahshat na qabr mein ho tum samne hi rahna

dast-e-junun na mera bahar kafan se nikle

hai lutf-e-zindagi ka baad az fana isi mein

nam-e-khuda jo apne sab tan badan se nikle

roza namaz-e-tasbih pahunchaenge na wan tak

hoga wisal usi ko jo ma-o-man se nikle

apni khabar na baqi rah jaegi kisi ko

parde se gar kahin wo ik bankpan se nikle

yad-e-qad sanam mein main dun misal is waqt

jab kam koi mera sarw-e-chaman se nikle

mardan jo koi dube dariya-e-ishq mein wo

chhote khudi se apne hub-e-watan se nikle