کام اس دنیا میں آ کر ہم نے کیا اچھا کیا

کام اس دنیا میں آ کر ہم نے کیا اچھا کیا

حسن کو بے پردہ نام عشق کو رسوا کیا

حسن نے اور عشق نے ہنگامہ اک برپا کیا

شمع کو روشن کیا پروانہ کو شیدا کیا

بے تمنائی میں آسودہ تھا یا رب کیا کیا

کس لئے میرے دل دیوانہ کو دانا کیا

ایک جذبہ تھا ازل سے گوشۂ دل میں نہاں

عشق کو اس حسن کے بازار نے رسوا کیا

تیری قسمت کا نوشتہ تھا کسی کا کیا قصور

تیرے آگے آ گیا اے دل جو تھا تیرا کیا

نار نے کی سرکشی روز ازل جب اختیار

خاک کو بخشا شرف یعنی بشر پیدا کیا

دل کو پروانہ بنایا کر دیا جاں کو نثار

شمع رو کے عشق میں ہم کیا کہیں کیا کیا کیا

جو کیا حکم قضا سے ہم نے ساحرؔ تھا بجا

ہم نے اپنی رائے سے جو کچھ کیا بے جا کیا

kam is duniya mein a kar ham ne kya achchha kiya

husn ko be parda nam-e-ishq ko ruswa kiya

husn ne aur ishq ne hangama ik barpa kiya

shama ko raushan kiya parwana ko shaida kiya

be tamannai mein asuda tha ya rab kya kiya

kis liye mere dil-e-diwana ko dana kiya

ek jazba tha azal se gosha-e-dil mein nihan

ishq ko us husn ke bazar ne ruswa kiya

teri qismat ka nawashta tha kisi ka kya qusur

tere age a gaya ai dil jo tha tera kiya

nar ne ki sarkashi roz-e-azal jab ikhtiyar

khak ko bakhsha sharaf yaani bashar paida kiya

dil ko parwana banaya kar diya jan ko nisar

shama ro ke ishq mein ham kya kahen kya kya kiya

jo kiya hukm-e-qaza se ham ne sahir tha baja

ham ne apni rae se jo kuchh kiya be ja kiya