کب سنے زنجیر مجھ مجروح دیوانے کی عرض

کب سنے زنجیر مجھ مجروح دیوانے کی عرض

نیں پہنچتی کان تک اس زلف کے شانے کی عرض

گرمی اہل بزم سے مت کر کہ میں ہوتا ہوں داغ

شمع کی خدمت میں ہے اتنی ہی پروانے کی عرض

شیشہ مجھ دل سا نہ پاوے اور تری آنکھوں سا جام

لے اگر ساقی ہزاروں سال میخانے کی عرض

دل کو ویراں مت کرو یہ ہے جنوں کا پاۓ تخت

اے پری زادوں کبھو سنئے بھی دیوانے کی عرض

فصل جاتی ہے یقیںؔ اور باغباں سے ایک یار

کوئی کرتا نیں ہمارے باغ میں جانے کی عرض

kab sune zanjir mujh majruh diwane ki arz

nain pahunchti kan tak is zulf ke shane ki arz

garmi ahl-e-bazm se mat kar ke main hota hun dagh

shama ki khidmat mein hai itni hi parwane ki arz

shisha mujh dil sa na pawe aur tiri ankhon sa jam

le agar saqi hazaron sal maikhane ki arz

dil ko wiran mat karo ye hai junun ka pae takht

ai pari zadon kabhu suniye bhi diwane ki arz

fasl jati hai yaqin aur baghban se ek yar

koi karta nain hamare bagh mein jane ki arz