کب تصور یار گل رخسار کا فعل عبث

کب تصور یار گل رخسار کا فعل عبث

عشق ہے اس گلشن و گل زار کا فعل عبث

نکہت گیسوئے خوباں نے کیا بے قدر اسے

اب ہے سودا نافۂ تاتار کا فعل عبث

رشتۂ الفت رگ جاں میں بتوں کا پڑ گیا

اب بظاہر شغل ہے زنار کا فعل عبث

آرزو مند شہادت عاشق صادق ہوئے

غیر کو ڈر ہے تری تلوار کا فعل عبث

جب دل سنگیں دلاں میں کچھ اثر ہوتا نہیں

گریہ ہے اس دیدۂ خوں بار کا فعل عبث

خواب میں بھی یار کو اس کا خیال آتا نہیں

جاگنا تھا دیدۂ بے دار کا فعل عبث

خالی از حکمت ہوا بہرامؔ کب فعل حکیم

کام کب ہے داور دادار کا فعل عبث

kab tasawwur-e-yar gul rukhsar ka fel-e-abas

ishq hai is gulshan-o-gul zar ka fel-e-abas

nikhat-e-gesu-e-khuban ne kiya be qadar use

ab hai sauda nafa-e-tatar ka fel-e-abas

rishta-e-ulfat rag-e-jan mein buton ka par gaya

ab bazahir shaghl hai zunnar ka fel-e-abas

arzu mand-e-shahadat ashiq-e-sadiq hue

ghair ko dar hai tiri talwar ka fel-e-abas

jab dil-e-sangin dalan mein kuchh asar hota nahin

girya hai is dida-e-khun bar ka fel-e-abas

khwab mein bhi yar ko us ka khayal ata nahin

jagna tha dida-e-be dar ka fel-e-abas

khali az hikmat hua bahram kab fel-e-hakim

kam kab hai dawar dadar ka fel-e-abas