ازل سے جستجو کی سرگرانی لے کے آیا ہوں

ازل سے جستجو کی سرگرانی لے کے آیا ہوں

تلاش حسن ہے شمع جوانی لے کے آیا ہوں

تری محفل سے حسرت کی نشانی لے کے آیا ہوں

وفا کی آرزو تھی سرگرانی لے کے آیا ہوں

جہاں میں ذوق حسن جاودانی لے کے آیا ہوں

کہاں کی کس خرابے میں کہانی لے کے آیا ہوں

مری ہستی زمانے کے مٹائے سے نہیں مٹتی

ازل سے میں نشان بے نشانی لے کے آیا ہوں

مری خاموش صورت آئنہ دار محبت ہے

میں آئینے سے حسن بے زبانی لے کے آیا ہوں

بھڑک اٹھوں نہ خود اپنی نوائے شعلہ ساماں سے

خس و خاشاک میں شعلہ بیانی لے کے آیا ہوں

محبت کو تو عمر جاوداں بھی مختصر ہوگی

الٰہی کیا کروں میں عمر فانی لے کے آیا ہوں

ظفرؔ کیا تاب لائے کوئی طوفان محبت کی

ہوا کے سامنے شمع جوانی لے کے آیا ہوں

azal se justuju ki sargirani le ke aya hun

talash-e-husn hai sham-e-jawani le ke aya hun

tiri mahfil se hasrat ki nishani le ke aya hun

wafa ki arzu thi sargirani le ke aya hun

jahan mein zauq-e-husn-e-jawidani le ke aya hun

kahan ki kis kharabe mein kahani le ke aya hun

miri hasti zamane ke mitae se nahin mitti

azal se main nishan-e-be nishani le ke aya hun

miri khamosh surat aina dar-e-mohabbat hai

main aine se husn-e-be zabani le ke aya hun

bharak uthun na khud apni nawa-e-shola saman se

khas-o-khashak mein shola bayani le ke aya hun

mohabbat ko to umr-e-jawedan bhi mukhtasar hogi

ilahi kya karun main umr-e-fani le ke aya hun

zafar kya tab lae koi tufan-e-mohabbat ki

hawa ke samne sham-e-jawani le ke aya hun