چار عنصر سے بنا ہے جسم پاک

چار عنصر سے بنا ہے جسم پاک

ہیں یہ چاروں باد و آتش آب و خاک

از پے تکمیل تحقیقات علم

ہو گیا لازم خلی کا اشتراک

عقل و دل ایزاد ہو کر ہو گئے

شش جہات و ہفت منزل تابناک

جب ارادت سے ہوا اس کا ظہور

آ گیا پندار کا گردش میں چاک

روح اعظم سے ہویدا ہو گئی

وہ ارادت جس نے دم کی روح پاک

روح اعظم کیا ہے وہ ذات قدیم

ہے زبان علم میں جو جان پاک

وحدت و کثرت میں ساحرؔ ہے عیاں

جان یا نور قدم یا ذات پاک

char unsar se bana hai jism-e-pak

hain ye charon bad-o-atish ab-o-khak

az pe takmil-e-tahqiqat ilm

ho gaya lazim khalli ka ishtirak

aql-o-dil izad ho kar ho gae

shash jihat-o-haft manzil tabnak

jab iradat se hua us ka zuhur

a gaya pindar ka gardish mein chak

ruh-e-aazam se huwaida ho gai

wo iradat jis ne dam ki ruh pak

ruh-e-aazam kya hai wo zat-e-qadim

hai zaban-e-ilm mein jo jan-e-pak

wahdat-o-kasrat mein sahir hai ayan

jan ya nur-e-qadam ya zat-e-pak