چاند

تم ندی پر جا کر دیکھو

جب ندی میں نہائے چاند

کیسی لگائی ڈبکی اس نے

ڈر ہے ڈوب نہ جائے چاند

کرنوں کی اک سیڑھی لے کر

چھم چھم اترا جائے چاند

جب تم اسے پکڑنے جاؤ

پانی میں چھپ جائے چاند

اب پانی میں چپ بیٹھا ہے

کیا کیا روپ دکھائے چاند

چاہے جدھر کو جاؤ افسرؔ

ساتھ ہمارے جائے چاند

tum nadi par ja kar dekho

jab naddi mein nahae chand

kaisi lagai dubki us ne

dar hai dub na jae chand

kirnon ki ik sirhi le kar

chham chham utra jae chand

jab tum use pakarne jao

pani mein chhup jae chand

ab pani mein chup baitha hai

kya kya rup dikhae chand

chahe jidhar ko jao afsar

sath hamare jae chand