پیمان وفائے یار ہیں ہم

پیمان وفائے یار ہیں ہم

یعنی ناپائیدار ہیں ہم

خاک سر رہ گزار ہیں ہم

پامال جفائے یار ہیں ہم

نومیدی و یاس چار سو ہے

اف کس کے امیدوار ہیں ہم

کس دشمن جاں کی آرزو ہے

جو موت کے خواست گار ہیں ہم

تو ہم سے ہے بدگماں صد افسوس

تیرے ہی تو جاں نثار ہیں ہم

وحشتؔ خاموش جل رہے ہیں

گویا شمع مزار ہیں ہم

paiman-e-wafa-e-yar hain ham

yaani napaidar hain ham

khak sar rah guzar hain ham

pamal-e-jafa-e-yar hain ham

naumidi-o-yas char su hai

uf kis ke umidwar hain ham

kis dushman-e-jan ki arzu hai

jo maut ke khwast gar hain ham

to ham se hai badguman sad afsos

tere hi to jan nisar hain ham

wahshat khamosh jal rahe hain

goya sham-e-mazar hain ham