پیغام رہائی دیا ہر چند قضا نے

پیغام رہائی دیا ہر چند قضا نے

دیکھا بھی نہ اس سمت اسیران وفا نے

کہہ دوں گا جو کی پرسش اعمال خدا نے

فرصت ہی نہ دی کشمکش بیم و رجا نے

ہے رشک ارم وادی پر خار محبت

شاید اسے سینچا ہے کسی آبلہ پا نے

یہ خفیہ نصیبی کہ ہوئے اور بھی غافل

نغمے کا اثر ہم پہ کیا شور درا نے

خاکستر دل میں تو نہ تھا ایک شرر بھی

بیکار اسے برباد کیا موج صبا نے

paigham rihai diya har chand qaza ne

dekha bhi na us samt asiran-e-wafa ne

kah dunga jo ki pursish-e-aamal khuda ne

fursat hi na di kashmakash-e-bim-o-raja ne

hai rashk-e-iram wadi pur khar mohabbat

shayad use sincha hai kisi abla pa ne

ye khufya nasibi ke hue aur bhi ghafil

naghme ka asar ham pe kiya shor-e-dara ne

khakistar-e-dil mein to na tha ek sharar bhi

bekar use barbad kiya mauj-e-saba ne