چارہ گر چپ ہیں کیوں علاج کریں

چارہ گر چپ ہیں کیوں علاج کریں

کچھ تو اپنے کئے کی لاج کر

ان سے کس نے کہا تھا وہ مجھ کو

فرد ہستی میں اندراج کریں

روز کھٹکا سا دل میں رہتا ہے

دیکھیے کیا وہ حکم آج کریں

فرصت زیست کم ہی کام بہت

کل جو کرنا ہے ہم کو آج کریں

چارہ گر بھی نہ کیا کریں گے یاد

کر سکیں جس قدر علاج کریں

سب اسی کی سی کہہ رہے ہیں عزیزؔ

کس سے ہم عرض احتیاج کریں

chara gar chup hain kyun ilaj karen

kuchh to apne kiye ki laj kar

un se kis ne kaha tha wo mujh ko

fard-e-hasti mein indiraj karen

roz khatka sa dil mein rahta hai

dekhiye kya wo hukm aj karen

fursat-e-zist kam hi kam bahut

kal jo karna hai ham ko aj karen

chara gar bhi na kya karenge yad

kar saken jis qadar ilaj karen

sab usi ki si kah rahe hain aziz

kis se ham arz ehtiyaj karen