چارہ ساز زخم دل وقت رفو رونے لگا

چارہ ساز زخم دل وقت رفو رونے لگا

جی بھر آیا دیدۂ سوزن لہو رونے لگا

بس کہ تھی رونے کی عادت وصل میں بھی یار سے

کہہ کے اپنا آپ حال آرزو رونے لگا

خندۂ زخم جگر نے دل دکھایا اور بھی

جس گھڑی ٹوٹا کوئی تار رفو رونے لگا

صدمۂ بے رحمی ساقی نہ اٹھا بزم میں

جی بھر آیا دیکھ کر خالی سبو رونے لگا

تھا عدم میں کھینچ لایا آب و دانہ جب یہاں

دیکھ کر بیچارگی سے چار سو رونے لگا

آ گیا کعبہ میں جب محراب ابرو کا خیال

بیٹھ کر تسلیمؔ خستہ قبلہ رو رونے لگا

chara saz-e-zakhm-e-dil waqt-e-rafu rone laga

ji bhar aya dida-e-sozan lahu rone laga

bas ke thi rone ki adat wasl mein bhi yar se

kah ke apna ap hal-e-arzu rone laga

khanda-e-zakhm-e-jigar ne dil dikhaya aur bhi

jis ghari tuta koi tar-e-rafu rone laga

sadma-e-be rahmi saqi na utha bazm mein

ji bhar aya dekh kar khali subu rone laga

tha adam mein khinch laya ab-o-dana jab yahan

dekh kar bechargi se char su rone laga

a gaya kaaba mein jab mehrab-e-abru ka khayal

baith kar taslim khasta qibla ro rone laga