پھونکی تپ فراق نے یہ تن بدن میں آگ

پھونکی تپ فراق نے یہ تن بدن میں آگ

اب جسم کی جگہ ہے مرے پیرہن میں آگ

انگاروں پہ لٹاتی ہے فرقت میں سیر باغ

ہو میرا اختیار تو دے دوں چمن میں آگ

ابر سیہ نہیں یہ دھواں ہے بھرا ہوا

کس نے لگا دی آج سپہر کہن میں آگ

کشتے ہیں تیرے رخ کے جوئے آتشیں عذار

لے جائیں گے وہ باندھ کر اپنے کفن میں آگ

رخصت ہوئی بہار خزاں کے دن آ گئے

اے باغباں لگا دے اب اپنے چمن میں آگ

صحرا ہماری گرمئ رفتار سے پھنکا

کس نے کیا ترے لب لعلیں کا تذکرہ

اہل یمن نے آپ لگا دی یمن میں آگ

زلفوں سے یوں عیاں ہے ترا روئے آتشیں

جیسے لگی ہو وادیٔ چین و ختن میں آگ

اکبرؔ تری زبان ہے کیا شمع کی زبان

ہر فقرہ تیرا شعلہ ہے ہے ہر سخن میں آگ

phunki tap-e-firaq ne ye tan badan mein ag

ab jism ki jagah hai mire pairahan mein ag

angaron pe lutati hai furqat mein sair-e-bagh

ho mera ikhtiyar to de dun chaman mein ag

abr-e-siyah nahin ye dhuan hai bhara hua

kis ne laga di aj sipehr-e-kuhan mein ag

kushte hain tere rukh ke ju-e-atishin izar

le jaenge wo bandh kar apne kafan mein ag

rukhsat hui bahar-e-khizan ke din a gae

ai baghban laga de ab apne chaman mein ag

sahra hamari garmi-e-raftar se phinka

kis ne kiya tire lab-e-laalen ka tazkira

ahl-e-yaman ne ap laga di yaman mein ag

zulfon se yun ayan hai tira ru-e-atishin

jaise lagi ho wadi-e-chain-o-khutan mein ag

akbar tiri zaban hai kya shama ki zaban

har fiqra tera shola hai hai har sukhan mein ag