پھیر لیں آنکھیں مروت دیکھنا

پھیر لیں آنکھیں مروت دیکھنا

اپنی الفت دیکھنا میری محبت دیکھنا

دو ہی دن میں کیا سے کیا تم ہو گئے

آئنے میں اپنی صورت دیکھنا

ڈھونڈھنے پر بھی نشاں ملتا نہیں

مر مٹوں کی شان غربت دیکھنا

آہ سے در پردہ اس کو لاگ ہے

آئنے کی یہ کدورت دیکھنا

داد مہجوری کی پھر ہے جستجو

دے نہ دھوکا اپنی قسمت دیکھنا

توبہ کرنا تو بہت آسان ہے

پھر بدل جائے گی نیت دیکھنا

منزل دنیا نہیں آرام گاہ

ہے ابھی روز قیامت دیکھنا

کر لے او سفاک ہر جور و جفا

رہ نہ جائے کوئی حسرت دیکھنا

کعبہ سے بت خانہ میں آ ہی گئے

کھینچ لائی شوقؔ قسمت دیکھنا

pher len ankhen murawwat dekhna

apni ulfat dekhna meri mohabbat dekhna

do hi din mein kya se kya tum ho gae

aine main apni surat dekhna

dhundhne par bhi nishan milta nahin

mar muton ki shan ghurbat dekhna

ah se dar parda us ko lag hai

aine ki ye kudurat dekhna

dad mahjuri ki phir hai justuju

de na dhoka apni qismat dekhna

tauba karna to bahut asan hai

phir badal jaegi niyyat dekhna

manzil-e-duniya nahin aram gah

hai abhi roz-e-qayamat dekhna

kar le o saffak har jaur-o-jafa

rah na jae koi hasrat dekhna

kaaba se but khana mein a hi gae

khinch lai shauq qismat dekhna