پیا کے رخ کی جھلک کا پرتو کیا ہے جھلکار آفتابی

پیا کے رخ کی جھلک کا پرتو کیا ہے جھلکار آفتابی

نظر سوں عالم کے ہو رہی ہے مثال خفاش بے حجابی

جسے وہ چہتا ہے مکھ دکھانے اسی کو ہے تاب دیکھنے کا

وہی سمجھ بخش مرشد ان کا طلب ہے توں مانگ جا شتابی

اگر ملے تجھ کو چشم باطن وہی ہے مقصود عاقبت سے

وگرنہ تحقیق دوجہاں میں نہیں ہے حاصل بجز خرابی

اسی کو کہتے ہیں کور باطن جسے نہیں ہے گا دید اس کا

نہ پاوے گا وہ نجات ہرگز اگرچہ وہ علم ہے کتابی

کریم مرشد نے چشم باطن کیا نوازش علیمؔ کے تئیں

وسا حقیقت کے گھن کا خورشید گئی نکل کر نظر سرابی

piya ke rukh ki jhalak ka partau kya hai jhalkar aftabi

nazar sun alam ke ho rahi hai misal-e-khuffash be hijabi

jise wo chata hai mukh dikhane usi ko hai tab dekhne ka

wahi samajh bakhsh murshid un ka talab hai tun mang ja shitabi

agar mile tujh ko chashm-e-batin wahi hai maqsud aqibat se

wagarna tahqiq dojahan mein nahin hai hasil bajuz kharabi

usi ko kahte hain kor batin jise nahin hai ga did us ka

na pawega wo najat hargiz agarche wo ilm hai kitabi

karim murshid ne chashm-e-batin kiya nawazish alim ke tain

wasa haqiqat ke ghin ka khurshid gai nikal kar nazar sarabi